काठमाडौं । नेकपा एमाले र नेकपा माओवादी केन्द्रबीच एकीकरणपछि निर्माण भएको नेपाल कम्युनिस्ट पार्टीले केन्द्रीय कमिटीलाई पूर्णता दिएको छ ।
सोमबार बसेको नेपाल कम्युनिस्ट पार्टीको पहिलो सचिवालय बैठकले दुवै दलबाट मिलाएर सिफारिस गरेका नामावलीका आधारमा चार सय ४१ सदस्यीय केन्द्रीय कमिटीलाई अनुमोदन गरेको हो ।
प्रधानमन्त्री निवास बालुवाटारमा बसेको पार्टी सचिवालयको पहिलो बैठकले महासचिव विष्णु पौडेलको संयोजकत्वमा नियमावली मस्यौदा कमिटी गठन गरेको छ । कमिटीमा नेताहरु देव गुरुङ, बेदुराम भुसाल र खिमलाल देवकोटा सदस्य रहेको पार्टी प्रवक्ता नारायणकाजी श्रेष्ठले जानकारी दिए ।
बैठकले सातवटा प्रदेश र विदेशका संगठन तथा कमिटीलाई एकीकरण गर्न पूर्व घटकका इन्चार्ज, संयोजक र सह–संयोजक रहेको सुझाव कमिटी बनाउने निर्णय गरेको छ ।
बैठकले नेकपाको मूल राजनीतिक प्रतिवेदन र अन्तरिम विधान प्रकाशन गर्ने निर्णयसमेत गरेको छ ।
नेपाल कम्युनिस्ट पार्टी केन्द्रीय कमिटीका पदाधिकारी तथा सदस्यको वर्णनाक्रमअनुसारको नामावली यस्तो छ ।
प्रकाशित: Dec 31, 2017| 18:23 आइतबार, पुस १६, २०७४