समाचार

१२ सय ८१ कोरोना संक्रमित थपिए, ९ जनाको मृत्यु

1608003903.jpg

काठमाडौं– नेपालमा पछिल्लो २४ घण्टामा १ हजार २८१ जनालाई कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ७ हजार १ जनाको पीसीआर र ५४७ जनाको एन्टिजेन परीक्षण भएकोमा १ हजार २८१ जनालाई संक्रमण पुष्टि भएको हो। 

१ हजार २२७ जनाको पीसीआर परीक्षणमा संक्रमण पुष्टि भएको हो भने ५४ जनाको एन्टिजेन पोजेटिभ देखिएको हो। हालसम्म कोरोना संक्रमितको कुल संख्या २ लाख ८५ हजार ९०० पुगेको छ। 

त्यस्तै पछिल्लो २४ घण्टामा संक्रमणमुक्त हुनेको संख्या २५५ छ। हालसम्म २ लाख ७५ हजार ५५५ जना संक्रमणमुक्त भइसकेका छन्।

हाल सक्रिय संक्रमितको संख्या ७ हजार २५४ छ। पछिल्लो २४ घण्टामा ९ जना संक्रमितको मृत्यु भएको रिपोर्ट प्राप्त भएको मन्त्रालयले जनाएको छ। पछिल्लो २४ घण्टामा १ जनाको मृत्यु भएको हो भने ८ जनाको अगाडि मृत्यु भएको र अहिले रिपोर्ट प्राप्त भएको हो।
 

प्रतिक्रिया दिनुहोस्