काठमाडौं - नेकपा दाहाल-नेपाल समूहको केन्द्रीय कमिटी बैठक फागुन १९ गते बस्ने भएको छ।
आज बिहान सिंहदरबारमा बसेको सचिवालयको बैठकले स्थायी कमिटी र केन्द्रीय कमिटी बैठक बोलाउने निर्णय गरेको थियो।
सोही अनुरूप फागुन १९ गते दिउँसो १ बजे पार्टी कार्यालय पेरिसडाँडामा केन्द्रीय कमिटीको बैठक बस्ने तय भएको नेता विष्णु रिजालले जानकारी दिए।
स्थायी कमिटी बैठक सम्भवतः भोलि नै बस्ने बताइएको छ। यद्यपि समय भने तय भइसकेको छैन।