काठमाडौं – सानदार जितका साथ टोटेनहम हट्स्पर युरोपा लिगको अन्तिम १६ मा प्रवेश गरेको छ।
टोटेनहम हट्स्पर मैदानमा सम्पन्न खेलमा घरेलु टिमले दोस्रो लेगमा पाहुना टिम उल्भ्सबर्गविरूद्ध ४–० गोलको जित निकालेको हो।
यसअघि पहिलो लेगको खेलमा टोटेनहमले ४–१ गोलको जित निकालेको थियो। र, बुधबार रातिको खेलसँगै ८–१ गोलको समग्र गोलअन्तरमा अन्तिम १६ मा प्रवेश पाएको हो।
दोस्रो लेगमा जितका लागि कार्लोस भिनिसियसले दोहोरो गोल गरे भने डेले अलि र ग्यारेथ बेलले समान १–१ गोल गरे।
टोटेनहम २०१५–१६ यता पहिलोपटक युरोपा लिगको अन्तिम १६ मा प्रवेश गरेको हो।
उक्त सिजनमा टोटेनहम थोमस टुचेलको बोरुसिया डर्टमन्डसँग पराजित भएको थियो।
तर, यो सिजनमा जित निकाल्दै उसले १३ वर्षयताको उपाधिविहीन यात्रा तोड्ने अवसर सुरक्षित राखेको छ।