काठमाडौं - नेकपा दाहाल–नेपाल समूहका अध्यक्षद्वय पुष्पकमल दाहाल र माधवकुमार नेपालले कांग्रेस सभापति शेरबहादुर देउवासँग भेटवार्ता गरेका छन्।
बूढानीलकण्ठमा भएकाे भेटवार्तामा उनीहरूबीच करिब २० मिनेट छलफल भएकाे थियाे।
प्रतिनिधिसभा पुनर्स्थापना गर्ने सर्वोच्च अदालतको फैसलापछि यसबारे छलफल गर्न दाहाल–नेपाल देउवा निवास पुगेका थिए।
अध्यक्षद्वयले देउवालाई सत्ता सहकार्यको प्रस्ताव राखेको बताइएको छ।
सर्वोच्चको फैसलालगत्तै हिजो नै देउवा र दाहालबीच टेलिफोन वार्ता भएको थियो।
टेलिफोन वार्तामा उनीहरूले आज भेटेर छलफल गर्ने निधो गरेका थिए।