‘बी’ डिभिजन लिगमा नयाँबस्तीको संघर्षपूर्ण जित

काडमाडौं– महामारीपछि आजबाट सुरु भएको सहिद स्मारक बी डिभिजन लिगमा नयाँबस्ती युथ क्लबले मध्यपुर ठिमीविरुद्ध संघर्षपूर्ण जित निकालेको छ।

सातदोबाटोस्थित एन्फा कम्प्लेक्समा सम्पन्न खेलमा नयाँबस्तीले मध्यपुरविरुद्ध २–१ गोलको जित निकालेको हो।

नयाँबस्तीको जितका लागि सचु गुरुङ र अभय धिमालले १–१ गोल गरे। खेलको आठौं मिनेटमा गोल गर्दै गुरुङले अग्रता बनाएको नयाँबस्तीका लागि ७९ औं मिनेटमा धिमालले दोस्रो गोल गरे।

यसबीच खेलको ५७ औं मिनेटमा मध्यपुरका भुपाल गुरुङले पेनाल्टीमार्फत गोल गर्दै खेललाई बराबरी बनाएका थिए। तर धिमालको गोलपछि नयाँबस्तीले खेल जित्यो।

लिगमा नयाँबस्तीले चौथो जितका साथ १२ अंक जोडेको छ। ६ खेल खेलेको नयाँबस्तीले बाँकी खेलमा भने हार बेहोरेको छ।

यता मध्यपुर ठिमी अंकतालिकाको पुछारमा छ। लिगमा ३३ खेल सम्पन्न भएका छन् भने अब ३३ खेल बाँकी छन्।