काठमाडौं- सशस्त्र प्रहरीको विभागीय टिम एपीएफकी भगवती थापा महिला लिगको उत्कृष्ट प्रशिक्ष घोषित भएकी छन्।
उनको टिम आज सम्पन्न लिगमा विजेता बनेको छ।
लगातार १२ खेलमा सानदार प्रदर्शन गर्दै अपराजित भगवतीको टिमले लिगमा ७६ गोल गरेको छ भने एक मात्र गोलको सामना गरेको छ।
उनले आफू बेस्ट कोच भएपछि आफ्नो टिमको प्रदर्शनलाई लिएर सन्तुष्ट रहेको बताएकी छन्।
तर फरवार्ड सावित्रा भण्डारी घाइते भएपछि लिगको अन्त्यमा खल्लोपन भएको उनले महसुस गरेकी छन्।
उनले आफ्नो रणनीतिअनुसार खेलाडीले प्रदर्शन गरेकाले लिगको अन्तिमसम्म एकनासको प्रदर्शन भएको बताएकी छन्।