चितवन - चितवनमा तोरी उत्पादन बढेको छ।
कृषि ज्ञान केन्द्र भरतपुरका अनुसार गत वर्षको तुलनामा यस वर्ष जिल्लामा तोरीको उत्पादन बढेको हो।
गत वर्ष जिल्लामा १२ हजार २६२ हेक्टर क्षेत्रफलमा १२ हजार ३०६ मेट्रिक टन तोरी उत्पादन भएको थियो।
यस वर्ष सोही क्षेत्रफलमा १४ हजार ७१४ दशमलव ४ मेट्रिक टन उत्पादन भएको ज्ञान केन्द्रका सूचना अधिकारी सुरुची त्रिपाठीले जानकारी दिइन्।
त्रिपाठीका अनुसार जिल्लामा यस वर्ष तोरीको उत्पादकत्व प्रतिहेक्टर एक दशमलव २ प्रतिशत छ।
गत वर्ष उत्पादकत्व एक प्रतिशत थियो।
यस वर्ष तोरीका लागि मौसम अनुकूल भएका कारण र रोग, कीराको प्रकोप कम भएकाले उत्पादन बढेको उनले बताए।
जिल्लाको इच्छाकामना गाउँपालिका–७ र अन्य ६ वटा पालिकामा तोरी खेती गरिँदै आएको छ। रासस