काठमाडौं– केही दिनदेखि उच्च पहाडी तथा हिमाली क्षेत्रमा लगातार हिमपात भइरहेको छ।
आज पनि केही स्थानहरूमा हल्का हिमपात हुने मौसम पूर्वानुमान महाशाखाले जनाएको छ।
यस्तै प्रदेश १, बागमती तथा गण्डकी प्रदेशका पहाडी भू-भागका एक-दुई स्थानमा हल्का वर्षाको सम्भावना छ।
तराईका केही ठाउँमा भने बिहानीपख हुस्सु र कुहिरो लाग्ने गरेको छ।
महाशाखाका अनुसार देशभरको तापक्रममा सामान्य गिरावट आउन सक्छ।
त्यसैले आवश्यक सतर्कता अपनाउन महाशाखाले सबैमा आग्रह गरेको छ।
हाल नेपालमा पश्चिमी वायुको प्रभाव छ।