पछिल्ला दिनमा थपिएका अधिकांश कोरोना संक्रमित उपत्यकाका

काठमाडौं- पछिल्ला दिनमा कोरोना संक्रमणको दर घट्दै गए पनि संक्रमितमध्ये अधिकांश काठमाडौं उपत्यकाका छन्। 

बितेको २४ घण्टामा ३ हजार ५४१ नमूना परीक्षण गर्दा १२२ संक्रमित फेला परेका छन्। संक्रमितमध्ये काठमाडौं उपत्यकाका ७३ छन्। हालसम्म काठमाडौंमा १ लाख २ हजार १७५ जनामा संक्रमण पुष्टि भएको छ।

संक्रमितमध्ये १ लाख ६७३ निको भएका छन् भने ५०२ जनाको मृत्यु भएको छ। अझै पनि काठमाडौंमा १ हजार सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ। ललितपुरमा १४ र भक्तपुरमा ३९ सक्रिय संक्रमित छन्। 

पछिल्लो २४ घन्टामा उपचारपछि निको भएर घर फर्किनेको संख्या १४४ छन्। हालसम्म उपचारपछि निको भएर घर फर्किनेको संख्या २ लाख ६९ हजार २०४ पुगेको छ। कोरोना मुक्त हुनेको दर ९८.७ प्रतिशत पुुगेको छ।

बितेको २४ घन्टामा कोरोनाका कारण २ जनाको मृत्यु भएको छ। हालसम्म नेपालमा कोरोनाबाट २ हजार ५५ जनाले ज्यान गुमाएका छन्। रासस