काठमाडौं– वाणिज्य आपूर्ति तथा उपभोक्ता संरक्षण विभागमा अख्तियार दुरुपयोग अनुसन्धान आयोगले छापा मारेको छ। सो क्रममा विभागका दुई जना कर्मचारीलाई नियन्त्रणमा लिइएको आयोगले जानकारी दिएको छ।
अख्तियारको टोलीले विभागका नायब सुब्बा नरेन्द्र चन्द र लेखापढीको काम गर्ने रामबाबु दाहाललाई नियन्त्रणमा लिएर आवश्यक अनुसन्धान भइरहेको जनाएको छ।
नायब सुब्बा चन्दले सेवाग्राहीलाई सेयर पुँजी बढाएको प्रमाणपत्र लिनका लागि कर्मचारी मिलाउनुपर्ने भन्दै अतिरिक्त रकम लिएको अख्तियारले जारी गरेको विज्ञप्तिमा उल्लेख छ। दुवै जनालाई विभाग परिसरबाटै नियन्त्रणमा लिएर अनुसन्धान भइरहेको अख्तियारले जनाएको छ।