काठमाडौं - वैशाख १७ र २७ गतेका लागि तोकिएको निर्वाचनको तयारी र आचारसंहिताका बारेमा आज निर्वाचन आयोगले दलहरूसँग छलफल गर्दैछ।
आयोगको कार्यालयमा संघ, प्रदेश र स्थानीय तहमा प्रतिनिधित्व गर्ने दलहरूसँग छलफल गर्न लागिएको निर्वाचन आयोगका प्रवक्ता राजकुमार श्रेष्ठले जानकारी दिए।
‘हामीले बिहान ११ बजे दलहरूलाई छलफलका लागि बोलाएका थियौं, आउने क्रम जारी छ,’ उनले भने, ‘केहीबेरपछि छलफल सुरु हुन्छ।’
निर्वाचन आचारसंहिताको मस्यौदा तयार पारिसकेको र सो मस्यौदाबारे राजनीतिक दलहरूसँग छलफल गर्न लागिएको हो। दलहरूसँगको छलफलमा उक्त मस्यौदामा राय परामर्श लिने कार्यक्रम छ।
छलफलका लागि प्रधानमन्त्री एवम् नेकपा अध्यक्ष केपी शर्मा ओली, अर्का अध्यक्ष पुष्पकमल दाहाल र कांग्रेस सभापति शेरबहादुर देउवालाई पनि बोलाइएको छ।
राजनीतिक दलहरूसँगको छलफलपछि आयोगले आचारसंहिता सार्वजनिक गर्ने तयारी गरेको छ।