काठमाडौं– प्रतिनिधि सभाकी सदस्य एवं नेपाल कम्युनिष्ट पार्टी (नेकपा) की केन्द्रीय सदस्य रामकुमारी झाँक्रीले प्रहरी समक्ष गिरफ्तारी दिने तयारी गरेकी छन्।
झाँक्रीलाई राज्यविरुद्धको कसुरअन्तर्गत दफा ५८ को कसुरको अनुसन्धानको लागि पक्राउ गर्नुपर्ने भन्दै पुर्जी लिएर उनको निवास शंखमुल पुगेको छ।
निवास वरिपरि ठूलो संख्यामा सुरक्षाकर्मी परिचालन गरिएको छ। पक्राउको विरुद्ध दाहाल–नेपाल समूहका विद्यार्थी निवास बाहिर नाराबाजी गरिरहेका छन्।
झाँक्रीले गोरखामा आयोजित कार्यक्रममा राष्ट्रपति विद्यादेवी भण्डारीले सक्रिय राजनीति गरेको भन्दै आलोचना गरेकी थिइन्।
उनले भनेकी थिइन्- 'राष्ट्रपतिका कुरा त के गर्नु र! बडामहारानीले चुनाव हुन्छ भन्नुभएछ। बडामहारानीलाई गोरखाबाटै सन्देश दिन्छु। शीतल निवासको कारगेट छाडेर कोटेश्वर फर्किए हुन्छ। चाबहिल हो कि कता घर छ रे। त्यता पनि नभए बालकोट नै गए पनि हुन्छ।'