काठमाडौं - राष्ट्रिय महिला लिग अन्तर्गत आज दुई (२९ औं र ३० औं) खेल हुँदैछन्।
आजको पहिलो खेलमा चौदण्डीगढीले वालिङ नगरपालिकाको चुनौति सामना गर्नेछ।
त्यस्तै दोस्रो खेलमा विराटनगर महानगरपालिकाले विभागीय टिम त्रिभुवन आर्मी फुटबल क्लबको सामना गर्नेछ।
सातदोबाटोस्थित एन्फा कम्प्लेक्समा १२ बजे सुरु हुने पहिलो खेलमा चौदण्डी पहिलो जितको खोजिमा जुट्नेछ।
यता उत्कृष्ट प्रदर्शन गरिरहेको वालिङ भने आजको खेलमा जित निकाल्दै दोस्रो स्थान सुरक्षित गर्न चहान्छ।
जारी लिग अन्तर्गत पहिलो जित निकाल्ने क्रममा वालिङले चौदण्डीलाई १०–० गोलले हराएको थियो। सो खेलमा क्यामरुनी खेलाडी मेथो रुथले दोहोरो ह्याट्रिक प्रहार गरेकी थिइन्।
यता लिगको ३० औं खेलमा आर्मी क्लब शीर्षस्थानको एपीएफसँग अंकदुरी घटाउने प्रयासमा हुनेछ। तर यसका लागि आर्मीलाई नगर टिम विराटनगर बाधक बन्न सक्नेछ।
लिगको पहिलो लेगको खेलमा आर्मीले विराटनगरविरुद्ध सहज जित निकालेको थियो।
आर्मीकी शर्मिला थापाले ह्याट्रिक गरेको उक्त खेलमा आर्मीले ७–० गोलको जित निकालेको थियो।
महिला लिगतमा तीन विभागीय टिम र चार नगर टिम सम्मिलित छन्।
सात टिम सम्मिलित लिगमा एपीएफ शीर्षस्थानमा छ भने अर्को विभागीय क्लब आर्मी दोस्रो स्थानमा छ।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com