काठमाडौं- फ्रेन्च लिग वान अन्तर्गत बुधबार राति सम्पन्न खेलमा साविक विजेता पेरिस सेन्ट जर्मेन (पीएसजी)ले सहज जित निकालेको छ।
पीएसजीको पार्स डि प्रिन्सेस मैदानमा सम्पन्न खेलमा उसले पाहुना टोली निम्सविरुद्ध ३–० गोलको सहज जित निकालेको हो।
जितका लागि पीएसजीका एन्जेल डि मारिया, पावलो साराविया र केलियन एम्बाप्पेले समान १–१ गोल गरे।
खेलको १८ औं मिनेटमा गोल गर्दै डि मारियाले सुरुआति गोल गरे भने ३६ औं मिनेटमा सराबियाले अग्रतालाई दोब्बर बनाए।
त्यस्तै दोस्रो हाफमा पनि पीएसजीले एक गोल थप्यो। यसपटक एम्पाप्पेले गोल गर्दै टिमको खातामा तीन गोल दर्ज गरे।
३–० गोलको जितसँगै पीएसजी तेस्रो स्थानमा छ। यता शीर्षस्थानको लिल्लको ५१ अंक छ भने ४९ अंकका साथ लियोन दोस्रो स्थानमा छ।
लियोनले बुधबार रातिको खेलमा डिजोनलाई १–० गोलले हराउँलै थप तीन अंक जोडेको थियो।
त्यस्तै गएरातिको खेलमा पराजित निम्स अंतालिकाको पुछारबाट पहिलो स्थानमा छ।