आयोगका पदाधिकारीले गरे पदभार ग्रहण

काठमाडौं– राष्ट्रिय मानव अधिकार आयोगका  नवनियुक्त पदाधिकारीले बुधबार पदभार ग्रहण गरेका छन्।

अध्यक्ष तपबहादुर मगर तथा सदस्यहरू डा. सूर्य ढुङ्गेल, मिहिर ठाकुर, मनोज दुवाडी र लिली थापाले पुल्चोकस्थित आयोगको कार्यालयमा पदभार ग्रहण गरेका हुन्।

आयोगमा आयोजित पदभार ग्रहण कार्यक्रममा आयोगका अध्यक्ष तथा सदस्यहरुले मानव अधिकारको प्रभावकारी संरक्षण, संवर्धन तथा कार्यान्वयनको सुनिश्चिततामा सक्रियतापूर्वक लागिरहने प्रतिबद्धता व्यक्त गरेका छन्।

बसेको नवनियुक्त पदाधिकारीहरूको पहिलो बैठकले पदाधिकारीमा नियुक्तिका लागि सिफारिस गर्ने संवैधानिक परिषद् तथा नियुक्तिका लागि राष्ट्रपतिलाई धन्यवाद ज्ञापन गर्ने निर्णय गरेको छ।

आयोगका अध्यक्षले राष्ट्रपति विद्यादेवी भण्डारीको समुपस्थितिमा प्रधानन्यायाधीश चालेन्द्रशमशेर राणा समक्ष तथा सदस्यहरूले आयोगका अध्यक्ष समक्ष राष्ट्रपति भवन शीतलनिवासमा एक समारोहबीच शपथ ग्रहण गरेका थिए।

संवैधानिक परिषद्ले नेपालको संविधानको धारा २४८ को उपधारा ९२० बमोजिम आयोगको अध्यक्ष तथा सदस्यमा उनीहरुको नियुक्तिका लागि सिफारिस गरेको थियो।