धनगढी– कैलालीमा लागु औषध खैरो हेरोइनसहित पक्राउपछि हत्कडीसहित फरार भएका अभियुक्त पक्राउ परेका छन्।
पक्राउ पर्नेमा जिल्लाको जोशीपुर गाउँपालिका वडा नम्बर ७ का २७ वर्षीय सुरेन्द्र शाही रहेको प्रहरीले जनाएको छ। उनी धनगढी उप–महानगरपालिका–१ धनगढीको पार्कमोडबाट पक्राउ परेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतिक बिष्टले बताए।
खैरो हेरोइनसहित माघ १७ गते जोशीपुर गाउँपालिका–३, मनकापुरबाट पक्राउ परेका उनी ईलाका प्रहरी कार्यालय जोशीपुर लैजाने क्रममा सोही दिन राति साढे ९ बजे वडा नम्बर ३ लक्कडबाट हत्कडीसहित फरार भएका थिए।