एजेन्सी- रुसको राजधानी मस्कोमा विपक्षी दलका नेता अलेक्सी नाभाल्नीको समर्थनमा प्रदर्शन गर्ने एक हजारभन्दा बढी व्यक्ति पक्राउ परेका छन्।
नाभाल्नीको पक्षमा प्रदर्शनकारीहरु बढ्दै गएपछि मस्को प्रहरीले मेट्रो स्टेशन बन्द गरेको छ भने मस्को प्रवेशमा प्रतिबन्ध लगाउन लागेको छ। मेट्रो स्टेशनबाटै १४० जनाभन्दा बढी पक्राउ परेका छन्।
राष्ट्रपति भ्लादिमिर पुटिनका सख्त विरोधी विपक्षी दलका नेता नाभाल्नी जर्मनीबाट फर्किएलगत्तै पक्राउ परेर जेलमा छन्।
केही महिनाअघि उनलाई पुटिनकै व्यक्तिहरुले निकै विषालु पदार्थ खुवाएर ज्यान लिने प्रयास गरेका थिए।
नाभाल्नीलाई पुलिसको एउटा आदेश पालना नगरेको आरोपमा जर्मनीबाट उपचार गरेर फर्किएलगत्तै पक्राउ गरिएको हो।
नाभाल्नीविरुद्ध प्रहरीले नियमित तारिख नधाएको आरोप लगाएको छ।