काठमाडौं- सत्तारूढ नेपाली कांग्रेसका युवा नेताहरू सहभागी बैठकले सम्मानजनक हैसियत नपाई सरकारमा जान नहुने सुझाव महामन्त्री शशांक कोइरालालाई दिएको छ।
महामन्त्री कोइरालाले युवा नेताहरूलाई बोलाएर धारणा माग गरेका थिए। छलफलमा कांग्रेसका युवा नेताहरू दीपक गिरी, कमला पन्त, रत्ना शेरचन, गगन थापा, धनराज गुरुङ सहभागी थिए। यस्तै सरिता प्रसाईं, बद्री पाण्डेय, गुरुराज घिमिरे, प्रदीप पौडेल, किरण यादव, कल्याण गुरुङ, जीवन परियार पनि सहभागी थिए।
'सम्मानजनक हैसियत प्राप्त नभएसम्म सरकारमा जान हतार गर्नु हुँदैन भन्ने अधिकांश नेताहरूले महामन्त्रीलाई सुझाव दिनुभएको छ,' छलफलमा सहभागी भएका एक नेताले भने, 'महाधिवेशनका वियषमा छलफल भयो।'
यस्तै क्रियाशील सदस्यता वितरणका क्रममा संस्थापन पक्षले धाँधली गरेको विषयमा समेत छलफल भएको बताइएको छ।