काठमाडौं– पछिल्लो २४ घण्टामा देशभर थप ३०३ जनामा कोरोना भाइरस संक्रमण पुष्टि भएको छ। सोही अवधिमा २८५ जना संक्रमणमुक्त भएका छन्।
योसँगै नेपालमा कुल संक्रमितको संख्या २ लाख ७० हजार ९२ पुगेको छ भने कोरोनामुक्त हुनेको संख्या २ लाख ६४ हजार ८२३ पुगेको छ। हाल देशभर सक्रिय संक्रमितको संख्या ३ हजार २५२ छ।
पछिल्लो २४ घण्टामा कोरोना संक्रमणबाट थप ६ जनाको मृत्यु भएको छ। योसँगै देशभर मृत्यु हुनेको संख्या २ हजार १७ पुगेको छ।