१५.८७ अंकले बढेर २३४२ विन्दुमा पुग्यो नेप्से 

काठमाडौं– बुधबार सेयर बजार परिसूचक (नेप्से) १५.८७ अंकले बढेको छ। बढेको बजार २३४२.२७ विन्दुमा पुगेर रोकिएको हो।  

आज २११ कम्पनीको १ करोड ५९ लाख ८१ हजार कित्ता सेयर खरिदबिक्री हुँदा ६ अर्ब २१ करोड ९ लाख रुपैयाँ बराबरको कारोबार भएको छ। 

आज विकास बैंक समूहको सूचक २, फाइनान्स ४५.९६, जलविद्युत् ५३.५९, जीवन बिमा ७२९.३७, माइक्रोफाइनान्स २९, म्युचुअल फण्ड ०.०२ र निर्जिवन बिमा १८५.९८ अंकले बढेको छ। 

बैंकिङ समूहको सूचक २.४३, होटल २२.७७, उत्पादन ६२.९४, अन्य ११.७७ र व्यापार समूहको सूचक ८.९२ अंकले घटेको छ। 

आज बेष्ट फाइनान्स कम्पनीका लगानीकर्ताले कमाएका छन् भने विशाल बजार कम्पनीका लगानीकर्ताले सबैभन्दा बढी गुमाएका छन्।