काठमाडौं– पछिल्लो २४ घण्टामा देशभर थप ३२२ जनामा कोरोना भाइरस संक्रमण पुष्टि भएको छ। सोही अवधिमा देशभरबाट ३७४ जना संक्रमणमुक्त भएका छन्।
त्यसैगरी काठमाडौँ उपत्यकामा १६३ जना संक्रमित थपिएका छन्। योसँगै नेपालमा कुल संक्रमितको संख्या २ लाख ६७ हजार ६४४ पुगेको छ भने कोरोनामुक्त हुनेको संख्या २ लाख ६१ हजार ८१८ पुगेको छ। अहिले देशभर सक्रिय संक्रमितको संख्या ३ हजार ८६१ छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ३०६ जनाको पीसीआर परीक्षण गरिएको थियो।
पछिल्लो २४ घण्टामा कोरोना संक्रमणबाट थप ६ जनाको मृत्यु भएको छ। हालसम्म नेपालमा कोरोना संक्रमणबाट मृत्यु हुनेको संख्या १ हजार ९६५ पुगेको छ। अहिले आइसीयूमा १६१ र भेन्टिलेटरमा ३४ जना उपचाररत छन्।