काठमाडौं– प्रतिनिधिसभा विघटनविरूद्द दायर भएका रिटमा सर्वोच्च अदालतको संवैधानिक इजलासमा सुनुवाइ सुरू भएको छ।
अस्ति बुधबार बहस नसिकएपछि ती रिटलाई हेर्दाहेर्दैमा राखिएको थियो।
प्रधान न्यायाधीश चोलेन्द्रशमशेर जबरा नेतृत्वको संवैधानिक इजलासमा आज मुद्दाको सुनुवाइ सुरु भएको हो।
इजलासमा न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, तेजबहादुर केसी र सपनाप्रधान मल्ल छन्।
यसअघि हरिकृष्ण कार्कीलाई राखिएको थियो। तर रिट निवेदकहरुको विरोधपछि कार्कीको ठाउँमा मल्ललाई राखिएको हो।
प्रतिनिधिसभा विघटनसम्बन्धी १३ वटा रिट संवैधानिक इजलासमा विचाराधीन छन्।
मुद्दा संवैधानिक इजलासमा हेर्ने वा बृहत् पूर्ण इजलासमा हेर्ने भन्ने विवाद कायमै छ। कानुन व्यवसायीहरुले बृहत् पूर्ण इजलासमा हेर्नुपर्ने माग गर्दै आइरहेका छन्।