काठमाडौं– जर्मन बुन्डेसलिगा अन्तर्गत शनिबार राति सम्पन्न खेलमा बोरुसिया डर्टमन्डले दोस्रो स्थानको लाइप्जिकविरुद्ध सहज जित निकालेको छ।
लाइप्जिकको मैदानमा सम्पन्न खेलमा पाहुना टिम डर्टमन्डले ३–१ गोलको जित निकालेको हो।
जितका लागि इर्लिङ ब्रुल हाल्यान्डले दुई गोल गरे भने जाडन साञ्चेले एक गोल गरे। इता लाइप्जिकका अलेक्जेन्ड सारलोथले सान्त्वना गोल फर्काए।
प्रतिस्पर्धात्मक खेलको पहिलो हाफ भने गोलरहित बराबरीमा रोकिएको थियो। तर डर्टमन्डका साञ्चेले ५५ औं मिनेटमा गोल गर्दै पाहुना टिमलाई अग्रता दिलाए।
उनको गोलपछि खेलको ७१ औं र ८४ औं मिनेटमा हाल्यान्डले दुई गोल गरे। उनको गोलसँगै ३–० को अग्रता बनाएको डर्टमन्डविरुद्ध लाइप्जिकका सरलोथले ८९ औं मिनेटमा गोल गरे। यससँगै खेलको नतिजा ३–१ भयो।
जितका साथ २८ अंक बनाएको डर्टमन्ड शीर्षस्थानबो बायर्नभन्दा पाँच अंक पछि छ भने लाइप्जिक दुई अंक पछि छ। हारका बाबजुद लाइप्जिक दोस्रो स्थानमा छ।