काठमाडौं। प्रधानमन्त्री केपी शर्मा ओलीले अदालतलाई कतैबाट पनि गलत ढंगले प्रभावमा पार्न नहुने बताएका छन्।
काठमाडौंमा आयोजित ओली समूहको बृहत् कार्यकर्ता भेलालाई सम्बोधन गर्दै ओलीले सर्वोच्च अदालतमा बसिसकेका मान्छेहरूले अदालतलाई गलत ढंगले अल्मल्याउने धम्क्याउने र प्रभावमा पार्ने काम गर्न नहुने बताएका हुन्।
‘एकपल्ट अदालतमा जागिर खाएको भरमा अदालतलाई प्रभावित पार्ने काम गर्नु हुँदैन,’ उनले प्रश्न गरे, ‘सडकबाट फैसला दिने हो कि संवैधानिक इजलासबाट ?’
उनले स्वतन्त्र न्यायालयलाई स्वतन्त्ररूपमा फैसला गर्न दिनुपर्ने बताएका छन्।
शुक्रबार चारजना पूर्वप्रधानन्यायाधीशले प्रतिनिधिसभा विघटन गर्ने निर्णय असंवैधानिक भएको बताएका थिए।