धनगढी– प्रधानमन्त्री एवं नेकपा अध्यक्ष केपी शर्मा ओली आज सुदूरपश्चिमको धनगढी आउने भएका छन्।
नेकपा ओली समूहले आयोजना गरेको सभालाई ओलीले सम्बोधन गर्ने कार्यक्रम छ। कार्यक्रमस्थल वरपर कडा सुरक्षा व्यवस्था मिलाइएको छ।
सभामा सहभागी हुनेले कालो मास्क लगाउनसमेत प्रतिबन्ध लगाइएको छ।
प्रतिनिधि सभाको विघटनपछि ओलीले सम्बोधन गर्ने राजधानी बाहिरको यो पहिलो सभा हो।
सभास्थल वरपर एक हजार सुरक्षाकर्मी परिचालन गरिएको जनाइएको छ।