सुर्खेत- दाङबाट सल्यानको सल्लीबजारतर्फ जाँगै गरेको बस भेरी नदीमा खसेको छ।
सुर्खेतको गुर्भाकोट नगरपालिका–९ भुल्के नजिकैबाट बस भेरी नदीमा खसेको जिल्ला प्रहरी कार्यालय सुर्खेतले जनाएको छ। सुर्खेतका डीएसपी रामप्रसाद घर्ती मगरका अनुसार दुर्घटनामा एक जनाको मृत्यु भएको छ।
‘हामीलाई एक जनाको मृत्यु भएको खबर आएको छ, उनको विवरण खुलेको छैन’ डीएसपी घर्तीमगरले भने, ‘नदीमा एक जनाको मात्रै शव भेटिएको छ।’
गाडीमा चार जनामात्रै यात्रु रहेको खुलेको प्रहरीले जनाएको छ। चार जनामध्ये एक जना घाइते भएका छन् भने दुई जनाको अवस्था सामान्य रहेको छ।
घटनाको विस्तृत विवरण आउन बाँकी छ।