भैरहवा– बुटवल स्थित कोरोना उपचार अस्पतालको आईसीयूमा उपचारत बिरामी हराएका छन्।
बुटवल १३ का ५५ वर्षीय पुरुष कोरोना पुष्टि भएपछि गत बुधबार अस्पताल भर्ना भएका थिए। उनलाई कोरोना उपचार अस्पतालले आईसीयूमा राखेर उपचार गरिँदै थियो।
कोरोना अस्पतालका फोकल पर्सन डा सुदर्शन थापाले पिसाब फेर्न गएको बिरामी सम्पर्कमा नआएको बताए। कोरोना संक्रमित बिरामी भागेपछि उनको खोजी भइरहेको अस्पताल प्रसाशनले बताएको छ।
अस्पताल प्रवक्ता बिस्नु गौतमले उनी आइतबार विहान ५ बजे भागेको बताए। ‘खोजी भइरहेको छ, उहाँ जंगलतिर गएको खबर छ। उहाँको घर बेलबास हो। हामी खोजतालस गरिरहेका छौँ।’
कोरोना विशेष अस्पतालमा १४ जना कोरोना संक्रमित बिरामी उपचारत छन्। अस्पतालमा सुरक्षाकर्मी रहेता पनि उनीहरुलाई छक्काएर बिरामी भागेको प्रवक्ता गौतमले बताए।