गैरसंवैधानिक कदमविरुद्ध राजनीतिक अभियान चलाउँछौं : खनाल

काठमाडौं– नेकपाका वरिष्ठ नेता झलनाथ खनालले प्रधानमन्त्री केपी ओलीको असंवैधानिक कदमविरुद्ध राजनीतिक र संवैधानिक अभियान चलाउने बताएका छन्। 

विघटित प्रतिनिधिसभाका नेकपा सांसदहरुको भेलापछि खनालले सञ्चारकर्मीसँग भने, ‘प्रधानमन्त्री केपी ओलीबाट जनादेश र राष्ट्रिय हितविपरीत काम भएको छ। हामी यो कदम सच्याउन कानुनी र राजनीतिक अभियान चलाउनेछौं।’

उनले संविधानविरुद्ध गरिएको कुको विरुद्ध लाग्ने बताए। उनले कानुनी उपचारका लागि सर्वोच्च अदालसम्म जाने बताए।

खनालले भने, ‘संसदलाई पुनर्जीवित गर्ने र बैठक आयोजना गर्ने ध्येय छ।’  यसबारे मंगलबार बस्ने केन्द्रीय कमिटी बैठकले  आवश्यक निर्णय लिने उनको भनाइ छ।