प्रधानमन्त्रीले गरे सुरक्षा अधिकारीसँग छलफल

काठमाडौं– प्रधानमन्त्री केपी शर्मा ओली र सुरक्षा निकायका उच्च अधिकारीबीच मुलुकुको पछिल्लो सुरक्षा अवस्थाबारे छलफल भएको छ। 

बालुवाटारमा भएको छलफलमा प्रधानमन्त्री ओलीले विद्यमान राजनीतिक अवस्था र त्यसपछिको परिस्थितिबारे जानकारी गराएका थिए। 

छलफलमा सुरक्षा निकायका अधिकारीहरुले मुलुकको सुरक्षा अवस्था चुस्तदुरुस्त राख्न कुनै कसर बाँकी नराख्ने प्रतिबद्धता जनाएको सहभागी एक अधिकारीले बताए।

छलफलमा प्रहरी महानिरीक्षक शैलेश थापा क्षेत्र, प्रधानसेनापति पूर्णचन्द्र थापा, सशस्त्र प्रहरी बलका महानिरीक्षक शैलेन्द्र खनाल सहभागी थिए।

यस्तै अर्थमन्त्री विष्णु पौडेल, गृहमन्त्री रामबहादुर थापालगायत पनि सहभागी थिए।