कोरोनाबाट अफ्रिकी देश एजवाटिनीका प्रधानमन्त्रीको मृत्यु 

काठमाडौं- कोरोना भाइरसको संक्रमणबाट अफ्रिकी देश एजवाटिनीका प्रधानमन्त्री एमब्रोसी ड्लामिनीको  निधन भएको छ।

५२ वर्षीय प्रधानमन्त्री ड्लामिनीको आइतबार दक्षिण अफ्रिकाको एक अस्पतालमा निधन भएको हो।  उनी चार हप्ता पहिले कोरोना भाइरसबाट संक्रमित भएका थिए । 

संक्रमित भएदेखि नै स्वास्थ्य अवस्था जटिल भएपछि उनलाई दक्षिण अफ्रिकामा उपचारका लागि लगिएको थियो। उनको त्यहिँ निधन भएको अलजजिराले लेखेको छ । 

उनी सन् २०१८ को नोभेम्बरमा प्रधानमन्त्रीमा नियुक्त भएका थिए। 

झण्डै १२ लाख जनसंख्या रहेको अफ्रिकाको दक्षिण एजवाटिनीमा अहिलेसम्म ६ हजार ७६८ जनामा कोरोना भाइरसको संक्रमण पुष्टि भएको छ भने १२७ जनाको मृत्यु भएको छ।