दाङ- दाङको तुलसीपुर उपमहानगरपालिका–१३ बखरियामा गुडिरहेको यात्रुवाहक बसमा आगलागी भएको छ।
तुलसीपुरबाट नेपालगञ्ज जाँदै गरेको रा १ ख २३७४ नम्बरको बसमा सोमबार बिहान पौने ६ बजे आगलागी भएको हो।
ब्याट्री सर्ट हुँदा बसमा आगलागी भएको प्रहरीले बताएको छ। प्रहरीका अनुसार आगलागीबाट कुनै मानवीय क्षति भने भएको छैन् ।
आगलागीबाट बस जलेर नष्ट भएको इलाका प्रहरी कार्यालय तुलसीपुरले जनाएको छ ।