ललितपुर- ललितपुरको ग्वार्कोस्थित उज्वल आयल स्टोरमा आगलागी भएको छ। घटनामा एक जना घाइते भएका छन्।
आगलागीबाट नेपाल आयल निगमको एउटा ट्यांकर तथा झण्डै १५ वटा मोटरसाइकल जलेर नष्ट भएका छन्।
ट्यांकरले पम्पको ट्यांकीमा पेट्रोल अनलोड गरिरहेका बेला आगलागी भएको हो।
आगलागीको कारण खुलेको छैन। आगलागीबाट ट्यांकर पूर्णरुपमा जलेर नष्ट भए पनि पेट्रोल लोड भएको ट्यांकी भने सुरक्षित रहेको छ।
आसपासमा पेट्रोल भर्न लाइन लागेका मोटरसाइकलहरु जलेर नष्ट भएका हुन्।
आगलागी भएको केहीबेरमै ललितपुरका गएका ४–५ वटा दमकलले आगो नियन्त्रणमा लिएका छन्।
आगालागीको कारणबारे अध्ययन भइरहेको प्रहरीले जनाएको छ।