धनगढीमा कोरोना संक्रमित महिलाको मृत्यु

धनगढी- धनगढीमा कोरोना संक्रमित महिलाको मृत्यु भएको छ। 

धनगढीस्थित सेती प्रादेशिक अस्पतालको कोभिड अस्थायी अस्पतालमा उपचाररत धनगढी उपमहानगरपालिका-१ की ५५ वर्षीया कोरोना संक्रमित महिलाको मृत्यु भएको हो। 

अस्पतालका सूचना अधिकारी दिलिपकुमार श्रेष्ठका अनुसार श्वासप्रश्वास र मधुमेहसम्बन्धी समस्या रहेकी उनको आइतबार दिउँसो मृत्यु भएको हो।

उनी मंसिर २२ गते अस्पताल भर्ना भएकी थिइन्।