काठमाडौं– ग्लोबल आइएमई बैंकले एकैपटक ६ नयाँ शाखारहित बैंकिङ सेवाको सुरुआत गरेको छ।
बैंकले तेह्रथुमको फेदाप गाउँपालिका, धनुषाको नगराईन नगरपालिका, दैलेखको दुल्लु नगरपालिका र भैरवी गाउँपालिका, बाग्लुङको बढीगाड गाउँपालिका र पाँचथरको याङवरक गाउँपालिकामा शाखारहित बैंकिङ सेवा सञ्चालनमा ल्याएको हो।
६ नयाँसहित शाखारहित बैंकिङ सेवाको संख्या २३८ पुगेको छ।
शाखारहित बैंकिङ सेवाबाट निक्षेप खाता खोल्ने, तोकिएको सीमासम्मको रकम जम्मा गर्ने तथा झिक्ने, मौज्दातको जानकारी लिने, कर्जाको ब्याज भुक्तानी गर्नेलगायत सुविधा प्राप्त गर्ने छन्।
बैंकका ७३ जिल्लामा २६४ शाखा, २३९ एटीएम, ४७ एक्सटेन्सन काउन्टर र तीन अन्तर्राष्ट्रिय प्रतिनिधि कार्यालयमार्फत २१ लाखभन्दा बढी ग्राहकलाई सेवा दिइरहेको छ।