धनगढी- बझाङमा बसको ठक्करबाट बालिकाको मृत्यु भएको छ ।
जिल्लाको बित्थडचिर गाउँपालिका–९, सुनकुडामा बसले ठक्कर दिदा २ वर्षीय बालिका दिपिका बिष्टको मृत्यु भएको प्रहरीले जनाएको छ ।
बझाङबाट महेन्द्रनगर आउँदै गरेको ना ६ ख १७९५ नम्बरको बसको ठक्करबाट घाइते बालिकालाई उपचारका लागि स्वास्थ्य चौकी लैजादै गर्दा मृत्यु भएको सुदूरपश्चिम ट्राफिक प्रहरी कार्यालय अत्तरियाले जनाएको छ ।
बस चालक दिपक बोहोरा र बस स्याडी प्रहरी चौकीले नियन्त्रणमा लिएको छ ।