डा. अधिकारीलाई मानव अधिकार सम्मान

काठमाडौं– यस वर्षकाे 'दयाराम स्मृति मानव अधिकार सम्मान' मानव अधिकारकर्मी तथा अभियन्ता डा. रेणु अधिकारीलाई प्रदान गरिने भएको छ।

यस्तै  'मानव अधिकार पुरस्कार' पत्रकार तथा मानव अधिकारकर्मी झलक गैरेलाई प्रदान गरिने निर्णय गरिएको राष्ट्रिय मानव अधिकार आयोगले जनाएको छ। 

आयोगले अन्तर्राष्ट्रिय मानव अधिकार दिवसको सन्दर्भमा मानव अधिकार सम्मान तथा पुरस्कारको घोषणा गरेको हो। 

डा. अधिकारी महिला मानव अधिकार रक्षक सञ्जाल (ओरेक) नेपालका संस्थापक तथा लैंगिक समानता, लैंगिक न्याय र महिला हिंसाको न्यूनीकरण अभियानमा विगत तीन दशकदेखि निरन्तर कार्यरत छिन्। 

गैरे नेपालगन्जस्थित नेपालगन्ज दैनिकका प्रधान सम्पादक, रेडियो भेरी आवाजका स्टेसन प्रमुख, नेपाल पत्रकार महासंघको पूर्व केन्द्रीय सदस्य रप्रदेश संयोजक हुन्।

गैरेले पत्रकारिताको माध्यमबाट मानव अधिकारको संरक्षण र सम्वद्र्धनमा महत्त्वपूर्ण योगदान पुर्याउँदै आउनुभएकाले पुरस्कृत गरिएको आयोगले जनाएको छ।