समाज

दुई करोड बढी लागतको योगाश्रम भवन उद्घाटन

1611238920.jpg

धनगढी- दुई करोडभन्दा बढी लागतमा निर्माण भएको टीकापुर योगाश्रमको नवनिर्मित भवनको उद्घाटन गरिएको छ। 

NLG Insurance
agrakhi
Yeti parketing

कैलालीको टीकापुर नगरपालिका–१, ब्लक नम्बर १८ मा निर्मित टीकापुर योगाश्रमको नवनिर्मित भवनको एक समारोहबीच सुदूरपश्चिम प्रदेशको प्रमुख प्रतिपक्ष दल नेपाली कांग्रेस संसदीय दलका नेता डाक्टर रणबहादुर रावलले उद्घाटन गरे।

भवनको उद्घाटन गर्दै रावलले योग्राश्रम टीकापुर र सुदूरपश्चिम प्रदेशका बासिन्दाका लागि मात्र नभएर देशकै ठूलो योगाश्रमको रुपमा स्थापना भएको बताए। 

उनले देशकै ठूलो योगाश्रम निर्माण भएकाले टीकापुरवासीले गौरव गर्नुपर्ने बताए। उनले योगाश्रमलाई योगमा मात्र सिमित नगरेर राष्ट्रिय योग वअनुसन्धान केन्द्रको रुपमा बिस्तार गर्नुपर्ने बताए। 

टीकापुर योगाश्रमका संस्थापक पृथ्वीसिंह रावलले योगाश्रममा सबै उमेर समूहका व्यक्तिहरुले योगका लागि आउने गरेको बताए। उनले योगाश्रमलाई राष्ट्रिय योग अनुसन्धानको रुपमा विकास गर्दै लैजाने बताए। 

महायज्ञमा दाताबाट ९३ लाख ९० हजार ७७२ रुपैयाँ, टीकापुर नगरपालिकाबाट १४ लाख ५० हजार, सुदूरपश्चिम प्रदेश सरकारबाट ७० लाख र सांसद विकास कोषबाट २२ लाख गरेर २ करोड ४० लाख रुपैयाँमा नवनिर्मित भवन निर्माण सम्पन्न भएको हो। 

योगाश्रमको २३ औं वार्षिकोत्सवको अवसर पारेर उद्घाटन गरिएको नवनिर्मित भवन उद्घाटन समारोहमा योगाश्रमका संस्थापक पृथ्वीसिंह रावललाई पृथ्वी श्रीले सम्मानित समेत गरिएको छ।

प्रतिक्रिया दिनुहोस्