काठमाडौं- च्याम्पियन्स लिग अन्तर्गत बुधबार राति सम्पन्न खेलमा बायर्नले लोकोमोटिभ मस्कोलाई २–० गोल अन्तरले हराएको छ।
बायर्नको घरेलु मैदानमा सम्पन्न खेलमा जित निकाल्दा बायर्न जारी सिजनको च्याम्पियन्स लिगमा अपराजित छ।
समूह चरण अन्तर्गतको अन्तिम खेलमा जितका लागि निक्लास सुले र एरिक चोउपो मोटिनले समान १–१ गोल गरे।
यता लिगबाट बाहिरिसकेको मस्कोले भने गोल गर्न सकेन्।
त्यस्तै, समूह ए कै अर्को खेलमा एथ्लेटिको मड्रिडले आरबी साल्जबर्गलाई २–० गोलले हराएको छ।
साल्जबर्गको मैदानमा सम्पन्न खेलमा मड्रिडले जित निकाल्दै लिगको अन्तिम १६ मा प्रवेश पाएको छ।
समूह सी अन्तर्गत, म्यानचेस्टर सिटीले मार्सेल्लीविरुद्ध ३–० गोलको सहज जित निकालेको छ भने पोर्टोले पनि ओलम्पिकोओसविरुद्ध २–० गोलको जित निकालेको छ।
सिटी र पोर्टो लिगको अन्तिम १६ मा प्रवेश गरेका छन् भने मार्सेल्ली र ओलम्पियाकोस बाहिरिएका छन्।