समाचार

प्रदेश १ : तीन सांसदले फिर्ता लिए अविश्वास प्रस्तावको हस्ताक्षर

1610972505.jpg

विराटनगर– प्रदेश १ का मुख्यमन्त्री शेरधन राईविरुद्ध अविश्वास प्रस्तावमा हस्ताक्षर गरेका तीन जना प्रदेशसभा सदस्यले हस्ताक्षर फिर्ता लिएका छन्।

NLG Insurance
agrakhi
Yeti parketing

उनीहरुले सोमबार विज्ञप्तिमार्फत झापाकी जसमाया गजमेर, गोपालचन्द्र बुढाथोकी र श्रीप्रसाद मैनालीले अविश्वास प्रस्तावमा गरिएको हस्ताक्षर फिर्ता लिएको जनाएका हुन्। 

गजमेरले प्रधानमन्त्री ओलीको प्रतिनिधिसभा विघटन गर्ने निर्णयप्रति असहमति जनाउँदै सामाजिक विकास राज्यमन्त्रीबाट राजीनामा दिएकी थिइन्। 

सांसद बुढाथोकी र मैनालीले वामदेव गौतमको एकता अभियानमा लागेको बताएका थिए। 

हस्ताक्षर गरेका तीन सांसदहरुले नेकपाकै सरकारविरुद्ध नेकपाकै सांसदहरुले अविश्वास प्रस्ताव दर्ता गर्नु उपयुक्त नभएको बताएका छन्। 

मुख्यमन्त्री राईविरुद्ध नेकपाकै दाहाल–नेपाल समूहका ३७ जना सांसदले अविश्वास प्रस्ताव दर्ता गरेका थिए। 

तीमध्ये उदयपुरकी सांसद कला घले र मोरङकी वसन्तीदेवी यादवले हस्ताक्षर फिर्ता लिएको बताएका छन्।  

९३ सदस्यीय प्रदेशसभामा नेकपाको ६७ सिट छ। माघ ७ गते संसद्को सातौं अधिवेशन बोलाइएको छ। 


 

प्रतिक्रिया दिनुहोस्