काठमाडौं– सत्तारुढ नेकपा स्थायी कमिटी बैठक पार्टी मुख्यालय धुम्बाराहीमा जारी छ।
बैठक सुरु भएलगत्तै कार्यकारी अध्यक्ष पुष्पकमल दाहालले आफूले सचिवालय बैठकमा पेश गरेको राजनीतिक प्रस्तावबारे बोलिरहेका छन्।
बैठकमा प्रधानमन्त्री एवम् पार्टी अध्यक्ष केपी शर्मा ओली सहभागी भएका छैनन्।
स्थायी कमिटी बैठकमा अध्यक्ष ओली र अर्का अध्यक्ष पुष्पकमल दाहालले पेस गरेको राजनीतिक प्रस्ताव (आरोपपत्र) बारे छलफल हुने कार्यसूची छ।
यसअघि शनिबार बसेको सचिवालय बैठकले आजका लागि बैठक तय गरेको थियो।