काठमाडौं– कर्तव्य ज्यान मुद्दामा १८ वर्ष कैद सजाय तोकिएका एक फरार प्रतिवादीलाई महानगरीय प्रहरी परिसर काठमाडौंको टोलीले मकवानपुरबाट पक्राउ गरेको छ।
मकवानपुरगढी बाँसपानीमा लुकिछिपी बसिरहेको अवस्थामा प्रहरीले काठमाडौंको साविक मातातीर्थ गाविस–९ बस्ने २८ वर्षीय विशाल तामाङलाई पक्राउ गरिएको हो।
उनलाई कर्तव्य ज्यान मुद्दामा उच्च अदालत पाटनले ३० जेठ २०७४ मा १८ वर्ष ३ महिना १७ दिन कैद सजाय तोकेको थियो।
तामाङले २१ पुस २०७० मा मातातीर्थ ६ बस्ने सानोकाजी तामाङको हत्या गरेका थिए। सानोकाजीकी श्रीमती पूर्णलक्ष्मी र विशाल मिलेर हत्या गरे लगत्तै उनीहरु फरार भएका थिए।