कला - साहित्य

दार्जीलिङका लेखनाथको ‘फुलांगे’ बजारमा

1610260718.jpg

काठमाडौं– दार्जिलिङका युवा लेखक लेखनाथ क्षेत्रीको उपन्यास ‘फुलांगे’ बजारमा आएको छ। ‘फुलांगे’ उनको पहिलो आख्यान हो। 

NLG Insurance
agrakhi
Yeti parketing

उपन्यासमा सत्ता र शक्तिबीच दबाइएको सपनालाई बडो मार्मिक रूपमा प्रस्तुत गरिएको छ। उपन्यासका पात्र पनि  
सत्ताले निर्माण गरेका कठपुतलीका रूपमा आएका छन्।

दार्जीलिङलाई कठपुतली हुन कसले अभिशप्त पारेको छ भन्ने प्रश्नको उत्तर लेखकले उपन्यासमा सरल पात्रका खतरनाक चरित्र वरिपरि रहेर खोज्ने प्रयास गरेका छन्। 

ऐतिहासिक संघर्षका भुइँप्वाल देखाउने यो आख्यान दार्जीलिङको संघर्षको दस्तावेजको साथै गोर्खाल्यान्ड आन्दोलनको समाजशास्त्रीय अध्ययन पनि हो।

उपन्यास सांग्रिला बुक्स नेपाल र इन्डियाले संयुक्त रूपमा प्रकाशन गरेको हो। उपन्यासको नेपाली मूल्य ३३५ रुपैयाँ र भारतीय मूल्य २५० रहेको सांग्रिलाले जनाएको छ।

भारतको दार्जिलिङमा बसेर लेखन र अनुवादमा सक्रिय क्षेत्रीको यसअघि कविता संग्रह र रवीश कुमारको चर्चित पुस्तक ‘मुक्त आवाज’ नेपाली अनुवाद प्रकाशित छन्। 

प्रतिक्रिया दिनुहोस्