कम्पाला (युगान्डा) - युगान्डाका विपक्षी नेता एवम् संगीतकार बोबी वाइनलाई गिरफ्तार गरिएको विरोधमा भएको झडपमा मारिनेको संख्या ४५ पुगेकाे छ।
घटनामा संलग्न भएको आरोपमा ८०० भन्दा बढीलाई गिरफ्तार गरिएको प्रहरी प्रवक्ता फ्रेड एनंगाले बताए।
उनका अनुसार वाइनको गिरफ्तारीपछि १८ नोभेम्बरबाट त्यहाँ विरोध प्रदर्शन सुरु भएको थियो।
वाइन राष्ट्रपति पदका उम्मेदवार हुन्। युगान्डामा आगामी वर्ष चुनाव हुँदै छ।
वाइनलाई कोभिड १९ को स्वास्थ्य मापदण्ड उल्लंघन गरी मतदातालाई सम्बोधन गरेको आरोपमा गिरफ्तार गरिएको थियो।