सुर्खेत– जिल्ला अस्पताल हुम्ला एक हप्ताको लागि सील गरिएको छ।
एकजना चिकित्सकमा कोरोना देखिएपछि अस्पतालका आकस्मिकबाहेकका सम्पूर्ण सेवा बन्द गरिएको स्वास्थ्य सेवा कार्यालय हुम्लाका प्रमुख प्रेमबहादुर सिंहले जानकारी दिए।
‘डाक्टरलाई नै कोरोना देखिएपछि कम्तीमा एक हप्ताका लागि अस्पताल सील हुन्छ,’ सिंहले भने, ‘प्रसूति र आकस्मिक सेवा भने बन्द हुँदैनन्।’
संक्रमणको जोखिम बढेको अनुमान गरेर जिल्ला अस्पताल सिल गरिएको सिंहले बताए। पछिल्लो हप्ता दिनदेखि हुम्लामा पनि कोरोना संक्रमण तीब्र रुपमा फैलिन थालेको छ। हालसम्म हुम्लामा ६६ जना कोरोना संक्रमित भएका छन्।