काठमाडौं- उदयपुरको ताप्ली गाउँपालिकाको कार्यालयमा बम विस्फोट भएको छ।
शनिबार मध्यराति १ बजेतिर कार्यालयभित्रै बम विस्फोट भएको प्रहरीले जनाएको छ।
प्रहरीका अनुसार विस्फोटको कारण कार्यालयको दुईवटा कोठामा क्षति पुगेको छ। उपाध्यक्ष बस्ने कार्यकक्षमा क्षति पुगेको जिल्ला प्रहरी कार्यालय उदयपुरका प्रमुख एसपी भीमप्रसाद दाहालले जानकारी दिए ।
यस्तै, कार्यालयको गेटमा समेत अर्को शंकास्पद वस्तु फेला परेको छ। शंकास्पद वस्तु देखिएकाले प्रहरीले कार्यालय पूर्ण शील गरेको छ।
नेपाली सेनाको बम डिस्पोजल टोलीले बम डिस्पोजको तयारी गरिरहेको प्रहरीले जनाएको छ। घटनाको विषयमा अनुसन्धान भइरहेकाे जिल्ला प्रहरी प्रमुख एसपी दाहालले जानकारी दिए।