काठमाडौं- नेपाली लेग स्पिनर सन्दीप लामिछाने अष्ट्रेलियन बिग ब्यास लिग (बीबीएल)मा होबर्ट हुरिकेन्सबाट खेल्ने भएका छन्।
अष्ट्रेलियाको शीर्ष टी-२० क्रिकेट प्रतियोगितामा उनले हुरिकेन्सबाट खेल्ने तय भएको क्लबले जनाएको हो।
हुरिकेन्स्ले बिहीबार सामाजिक सञ्जालमा सूचना पोस्ट गर्दै सन्दीप अनुबन्ध गरेको बताए पनि रकम सार्वजनिक गरेको छैन्।
सन्दीपले तेस्रो पटक बीबीएल खेल्न लागेका हुन्। यसअघि दुई सिजनका २० खेलबाट २६ विकेट लिइसकेका सन्दीपले पछिल्लो सिजनाम १३ खेलबाट १५ विकेट लिएका थिए।
गत संस्कणमा सन्दीप सम्मिलित टिम मेलबर्न स्टार्सले फाइनलसम्मको यात्रा तय गरेको थियो।
स्टार्सले यो सिजनमा भने अफगानिस्थानका जाहिर खानलाई अनुबन्ध गरको जनाएको छ।
आउँदो सिजनको बीबीएल डिसेम्बर १० तारिकाबाट सुरु हुँदैछ।