काठमाडौं–नेपाल क्रिकेट संघ (क्यान)को पहिलो वार्षिक साधारण सभा हिजो(बुधबार) सम्पन्न भएकको छ।
कोरोना महामारीका कारण थोरै सदस्य उपस्थित भएर गरिएको भर्चुअल साधारणसभाले केन्द्रीय समितिलाई विभिन्न कागजात तयार गर्ने, अनुमोदन गर्ने र कार्यान्वयन गर्ने जिम्मेवारी दिएको हो।
क्यानले 'एन्टी करप्सन, एन्टी डोपिङ र इथिक्स पोलिसी' निर्माण गर्ने भएको छ। साथै जिल्ला र प्रादेशिक क्रिकेट संघका लागि कार्यविधि बनाउने भएको छ।
संघका पदाधिकारी र सदस्यहरूका लागि कोड अफ कन्डक्ट बनाउने निर्णय गरेको बताइएको छ।
त्यस्तै क्यानले ‘पोक्युरमेन्ट र इम्प्ल्यामवमेन्ट’ पोलीसी निर्माणका साथै खेलाडीको ‘कोड अफ कन्डक्ट’ र सम्झौता निर्माण गर्ने भएको हो।
नेपाली क्रिकेटलाई थप व्यवस्थित गर्नका लागि क्यानको स्वामित्वमा रहेनगरि नेपाल प्रिमियर लिग (एनपीएल)को सम्झौता प्रकृया अघि बढाउने भएको छ।
साधारण सभाले ०७०–७१ देखि ०७५–७६ सम्मको लेखापरीक्षण प्रतिवेदन पारित गरेको छ भने गत आर्थिक वर्षको लेखा परीक्षणका लागि एबीएस एण्ड एसोसिएट्स्लाई जिम्मेवारी दिने निर्णय गरेको छ।
साधारण सभाले चालु आर्थिक वर्षको बजेट निर्माणको जिम्मेवारी केन्द्रीय समितिलाई दिएको छ।