सुदूरपश्चिमका सामाजिक विकास मन्त्री सुवेदीलाई कोरोना संक्रमण

धनगढी– सुदूरपश्चिम प्रदेशका सामाजिक विकास मन्त्री कृष्णराज सुवेदीलाई कोरोना संक्रमण पुष्टि भएको छ। 

मन्त्री सुवेदीलाई सोमबार कोरोना संक्रमण पुष्टि भएको हो। कोरोना परीक्षणका लागि आइतबार स्वाब दिएकोमा सोमबार मन्त्री सुवेदीलाई कोरोना संक्रमण पुष्टि भएको हो।

हाल मन्त्री सुवेदीको स्वास्थ्य अवस्था सामान्य रहेको उनका स्वकीय सचिव शेरबहादुर बिष्टले बताए। ‘अहिले उहाँ होम आइशोलेसनमा हनुहुन्छ, उहाँको अवस्था सामान्य छ’, बिष्टले भने।  

यसअघि उनका सचिवालयका स्वकीय सचिव, निजी स्वकीय सचिव, पिएसओ र सवारी चालकलाई कोरोना पुष्टि भएको थियो।