काठमाडौं- नेपाली कांग्रेसको केन्द्रीय कार्यमितिको बैठक आज बस्दैछ ।
पार्टी कार्यालय सानेपामा दिउँसो बस्ने बैठकमा आगामाी महाधिवेशनको तयारी, क्रियाशिल सदस्यता वितरण र विभाग गठनको विषयमा छलफल हुने भएको छ ।
कांग्रेसमा महाधिवेशनको मिति तोकिएपछि पार्टी सभापति शेरबहादुर देउवाले विभिन्न विभाग गठन गरेको विषयमा विवाद चर्किएको छ । यस्तै क्रियाशिल सदस्यता वितरणको विषयमा पनि सभापति देउवा र वरिष्ठ नेता रामचन्द्र पौडेल पक्षबीच विवाद छ ।
पार्टीभित्रको विवाद समाधान गर्न लगातार भइरहेका छलफलबाट सहमति नजिक पुगेकाले आज बैठक बस्न लागेको नेपाली कांग्रेसले जनाएको छ ।
आज पनि छलफल गरी सहमति भएका विषयलाई दिउँसो बस्ने केन्द्रीय समितिको बैठकमा लगेर पारित गर्ने तयारी भैरहेको पार्टी सहमहामन्त्री प्रकाशसरण महतले जानकारी दिए ।
पार्टी केन्द्रीय कार्यालय सानेपामा बिहीबार बसेको बैठमा सभापति शेरबहादुर देउवा र वरिष्ठ नेता पौडेलबाहेकका अन्य पदाधिकारी, पूर्वपदाधिकारी र प्रभावशाली केन्द्रीय सदस्यको दिनभर बसेको बैठकले सहमतिको खाका तयार पारेको नेताहरुले बताएका छान् ।