काठमाडौं- मुलुकका १२ जिल्लामा पाँच सय बढी कोरोना भाइरसका सक्रिय संक्रमित छन्।
प्रदेश १ का झापा, मोरङ, सुनसरी, बागमती प्रदेशका काठमाडौं, भक्तपुर, ललितपुर, चितवन, काभ्रेमा पाँच सयभन्दा बढी सक्रिय संक्रमित सक्रिय रहेको स्वास्थ्य तथा जनसंख्या मन्त्रालयले जनाएको छ।
गण्डकी प्रदेशको कास्की, लुम्बिनी प्रदेशका दाङ र रुपन्देहीमा पाँच सय भन्दा धेरै सक्रिय संक्रमित छन् भने सुदूरपश्चिमको कैलालीमा पाँच सयभन्दा धेरै सक्रिय संक्रमित रहेको मन्त्रालयको तथ्यांक छ।
सक्रिय संक्रमितको संख्या सबैभन्दा धेरै काठमाडौंमा छ। काठमाडौंमा १७ हजार ४५ जना सक्रिय संक्रमित छन्।
त्यस्तै ललितपुरमा दुई हजार ५१२, भक्तपुरमा एक हजार २९२, चितवनमा एक हजार ५५३, काभ्रेमा ९२१ जना सक्रिय संक्रमित छन्।
झापामा ९३० जना, मोरङमा एक हजार ७५८ र झापामा एक हजार १४३ जना सक्रिय संक्रमित रहेको मन्त्रालयको तथ्यांक छ।
कास्कीमा एक हजार ५६८, रुपन्देहीमा एक हजार २४४, दाङमा ७४० जना सक्रिय संक्रमित छन्। यस्तै कैलालीमा ५६३ जना सक्रिय संक्रमित रहेको मन्त्रालयले जनाएको छ।